Gəncə şəhəri çayının məcrasında tikinti və məişət tullantılarının atıldığı əraziyə baxış keçirildi.

Baxış zamanı ərazidə yaranmış antisanitar vəziyyətin aradan qaldırılması, tullantıların operativ şəkildə daşınaraq ərazinin tam təmizlənməsi ilə bağlı Gəncə şəhər Mənzil-Kommunal Təsərrüfatı İstehsalat Birliyinə tapşırıqlar verildi.

Qeyd olundu ki, ətraf mühitin qorunması və şəhər ərazisində ekoloji tarazlığın təmin olunması məqsədilə bu cür hallara qarşı nəzarətin daha da gücləndirilməsi vacibdir.

Gəncə şəhəri olaraq, sakinlərdən məişət və tikinti tullantılarını müəyyən olunmuş yerlərə atmalarını, ətraf mühitin təmiz saxlanılmasına məsuliyyətlə yanaşmalarını xahiş edirik.